بەرزو بەرێز بێت یادی گیان بەخت کردووانی گوردانی شوان و هەڵبجە
بەهۆی شەڕی کۆنەپەرستانەی نێوان دەوڵەتانی ناوچەکە ودەوڵەتانی زلهێزی جیهان خەڵکی کوردستان زۆرترین قوربانی داوە ،لەشەڕی کۆنەپەرستانەی نێوان دەڵەتی عێراق بەسەکردایەتی حیزبی بەعسی فاشی و دەوڵەتی ئێران بەسەرکردایەتی ئیسلامیی یە ئاخوند دژە ئازادی ودژبەمافەکانی مرۆڤ وجوانی یەکانی شارەستانی مرۆڤایەتی .
خەڵکی کوردستان لەڕۆژ هەڵات وباشووری کوردستان قوربانی زۆری داوە و لەڕوویی گیانی و ماڵی یەوە،دێهاتەکان وشارۆچکەوشارەکانی وێران کراوە وهێرشی سوپایی داگیرکەرانی کراوەتەسەری .
بەبۆم وتەیارەوفرۆکە وسارۆخ هێرش کراوەتە سەرکوردستان کۆمەڵکوژی وئەنفال وئاوارەیی ڕوبەڕوویی خەڵکی کوردستان بۆتەوە.
لەبەشەکانی تری کوردستانیش خەڵکی کوردستان بەهۆی هەبوونی سیستەمێکی چەوسێنەری وەکو بەعسی سووریا وئیسلامیی یە فاشی یەکانی تورکیا لەدەسەڵات خەڵکی کوردستان ڕوبەڕوویی کۆمەڵکوژی وداگیرکاری بۆتەوە. یادی سەرجەم قوربانی یەکان بەرزوبەڕێزبێت .
بەرز و بەڕێز بێ یادی گیانبەختکردوانی کارەساتی کیمیایی نۆتشە
ڕۆژێک دوای کیمیابارانی شاری هەڵەبجەکەلە١٦-٣-١٩٨٨واتەلە ١٧-٣-١٩٨٨ و ڕژێمی دڕندەی بەعسی عێراق شاری نۆدشەی هەورامانی لە ڕۆژهەلاتی کوردستان بۆردومان کرد بە چەکی کیمیایی جۆری خەردەل،لە پاش هەفتەیەک و لە٢٤-٣-١٩٨٨ بۆ جاری دوەم و لە٢-٤-١٩٨٨ بۆجاری سێهەم ئەم شارە خۆشەویستە ی بۆردومان کردوە،
لەئەنجامدا (١٠٤) کەسی مەدەنی لە مناڵ ژن و پیروپەککەوتە بوونە قوربانی و شەهید بوون،چەندین پێشمەرگەی تێکۆشەریش بوونە قوربانی ،وە زیاتر لە (٧٠٠) کەس بریندار بوون، تائیستاش بریندارانی ئەم تاوانە بەهۆی کاریگەری برینەکانیانەوە بەیناو بەین و ساڵانە گیان دەسپێرن..
ئێمە وەکو شورایی هاوپشتیی خەڵکی کوردستان وێڕای مەحکووم کردنی ئەو جەنایەتانەی شاری هەڵبجەو گوردانی شوان و شاری سەردەشت و کارەساتەکانی ئەنفالەکان و ،کۆمەڵکوژی یەکانی ناوچەکانی تری بەشەکانی کوردستان خۆمان بە هاوژانی خەڵکی قارەمان و شۆڕشگێڕی سەرجەم ئەو شاروئەو ناوچانە دەزانین بە تایبەت بنەماڵە قوربانی و شەهیدەکانیان ئەزانین و هیوای چاکبوونەوەی بریندارانیان ئەخوازین بە هیواین هەرگیز ئەو جۆرە کارەساتانە لە داهاتوویی خەڵکی کوردستان و مرۆڤایەتی دا ڕوونەداتەوە .
ئێمە وەکو شورایی هاوپشتیی خەڵکی کوردستان بە پێویستی دەزانین و داواکارین تێکۆشانێکی هاوبەش ویەکگرتوانە بەگەڕبخرێت لەسەرجەم وڵاتانی یەکێتی ئەوروپاو دەوڵەتە پێشکەوتووەکاندا بۆئەوەی هەرچی زووترە لە دادگایەکی عادیلانەدا بە ئاشکر اتاوان باران وهاوکارەکانیان دادگایی بکرێن وسزابدرێن بە پێ ی ئاستی تاوانەکانیان .
هەرگیز ناکرێت خەڵکی کوردستان چاوپۆشی لەو جۆرە تاوانانە بکات .
داواکارین لەسەرجەم تێکۆشەرانی ئازادیخوازومرۆڤ دۆست دۆسی یەی ئەوتاوانانە بەهەماهەنگی وتێکۆشانێکی یەکگرتووانە کاری لەسەربکرێت، ناکرێت لەیادکردنەوەکاندا تەنها وێنەی کۆمەڵکوژی و ڤیدۆکان بڵاوبکەینەوە ماتەمینی نیشان بدەین بەڵکو لەگەڵ هەموو ئەمانەدا پێویستە تێکۆشانی یەکگرتووانەی ئازادیخوازان گەشەی پێبدرێت بۆدادگایی کردنی سەرجەم تاوانباران وهاوکارانی ئەنجام دەرانی هەموو کومەڵکوژی یەکان کە بەرامبەر خەڵکی کوردستان ئەنجام دراوە..
شورایی هاوپشتیی خەڵکی کوردستان
١٧/٣/٢٠٢٥– ٢٥ ڕەشەممە ٢٧١٨