بەدەست هێنانی خواستەکانتان خاوەن تڕۆمبیلە بێ سەرەتاکان جێگای خۆشحاڵی ئێمەیە
هەر جۆرە تێکۆشانێکی هاودەنگی کە ئاوێزان بێت بە دڵسۆزی و متمانەداربێت بە ئامانج ومافە ئینسانی یەکان بە هەبوونی ئیرادەی هاوپشتی کرداریانە دەتوانێت سەرکەوتووبێت.
ئەو هەنگاوەی ئێوەش وەک خاوەن تڕۆمبیلە کانی بێ سەرەتاکان ئاوێتەیە بەخواستە ئینسانی یەکان کە داوایی ژیانێکی باشتر دەکەن .
جێگای دڵخۆشی ئێمە یە کە لەو تێکۆشانەدا دەسەڵات ناچار کرا کە خواستەکان و داواکارییەکان جێبەجێ بکات لەم هەنگاوە سەرکەوتووبوون داواکارییە ڕەواکانتان بەدی هاتووە.
ئەو هەنگاو وتێکوشانە مەدەنییەی ئێوە وەک خاوەن تڕۆمبیلە بێ سەرەتاکان جگە لەوەی جێگەی دەستخۆشی وخۆشحاڵی ئێمە لەهەمان کاتیشدا شێوازی کارکردنی جەماوەری کە پشت دەبەستێت بە گفتوگۆی ناو ئەنجومەن وشوراکانی خەڵک یەکێکە لە بنەما ستراتیژییەکانی کاروتێکۆشانی ئێمەشه وەکو ڕێکخراوی شوفێرانی تەکسی و شورایی هاوپشتی خەڵکی کوردستان،هەر بۆیە ئەوەی ئێوە نموونەیەکی جوانە کە سەرجەم خاوەن کاروپیشەکان و ناوەندەکانی کۆمەڵگە دەکرێت چاوی لێ بکەن ،بەشێوەی سرووشتی وسەربەخۆیانە سەندیکا وڕێکخراوی خۆیان دابمەزرێنن لەدەرەوەی حیزبەکان .
هەر بەشە دەتوانێت زۆر لێهاتوانە بەیەکگرتووانەی خۆیان و هاودەنگی خەڵک تێکۆشانی چینایەتی خۆی پەرەپێبدات و بەبێ ئەوەی هیچ جۆرە حیزبێک کاریگەری هەبێت لەسەر ئاراستەی ڕێکخراوبوونیان ،جگە لەوەش هەر هەموو بەشەکانی کۆمەڵگەش لە مامۆستیان و کرێکارو شوفێرو قوتابی و بەشەکانی تری کۆمەڵگە هاوپشتی وهاودەنگی تێکۆشانەکانی یەکتری بن لەبەدەستهێنانی خواست و ئامانج و ژیانێکی باشتریاندا. لە کۆتاییدا بەهیواین لەداهاتوویی نیزیکدا خواست وداواکاری یەکانی تریشتان بەدی بێت .
هەر سەرکەوتووبن
لەگەڵڕێزدا
– شورایی هاوپشتی خەڵکی کوردستان
-ڕێکخراوی شوفێرانی تەکسی
١٣/١/٢٠٢٥
