چەکدارەکانی ئاسایش چوونەتە سەر ماڵی سەرۆکی حیزبێک چەند کەسێک لە خانەودەکەیان ئازار داوە لەشاری سلێمانی لە باشوری کوردستان !

ئەڵتەرناتیڤی شورایی / سلێمانی 

بەگوێرەی زانیارییەکان کە بەدەستمان گەیشتووە لەشاری سلێمانی  هیزەکانی ئاسایش  چوونەتە سەر ماڵی سەرۆکی  حیزبی کڵپەی نیشتمانی ، بە گوێرەی زانیاری یەکان ڕۆژی ١٣/٥/٢٠٢٦  ئەم چەکدارانەی ئاسایش لەنکاو بەبێ ئاگادار کردنەوەی نوسراوی دادگا و ڕاستەوخۆ چوونەتە سەر ماڵی سەرۆکی ئەو حیزبە و ئازاری ئەندامانی خانەوادەکەیان و پاسەوانەکانیان داوە.

بەگوێرەی هەمان سەرچاوە  کە بە ماڵپەڕی ئەڵتەرناتیڤی شورایی ڕاگەیاندووە  کە   هێزەکەی ئاسایش  ئەحمەد سەید ڕزگار کە تەمەنی ٢٧ ساڵە  پاسەوانە  لەگەڵ خۆیان بردویانە بەبێ هیچ هۆکارێک و بێ فەرمانی دادوەری .

هەروەها هەڕەشەیان لەتەواوی  خانەوادە کردووە کەنابێت ئەم بابەتە لەمیدیاکاندا بڵاوببێتەوە.