شورایی هاوپشتی خەڵکی کوردستان پەلاماری سەر کەمپەکانی هێزەکانی ڕۆژهەڵاتی کوردستان لەلایەن ڕژێمی فاشیستی کۆماری ئیسلامی ئێران شەرمەزار دەکات
زۆر بەداخەوە ئەمڕۆ واتە ڕۆژی ١٧ی تەمووز، جارێکی دیکە هەواڵی مووشەکبارانی بنکە و بارەگاکانی کۆمەڵەی شۆڕشگێڕی زەحمەتکێشانی کوردستانی ئێران لە گوندی زڕگوێزەلە بیست ، کە لەلایەن سوپای پاسدارانی فاشیستی ڕژێمی کۆماری ئیسلامیی ئێران کرایەوە. لە ئەنجامدا ٩ نۆ پێشمەرگە گیانیان بەخت کرد ، لەپێناوی ئازادی و بەرابەری دا ، ژمارەیەکی دیکەش لەو تێکۆشەرانە بریندار بوون، هەروەها زیانێکی بەرچاو بە ماڵ و سامان و خەڵکی ئەو ناوچەیەش گەیشتووە.
ئێمە لە شورایی هاوپشتی خەڵکی کوردستان بەتوندی ئەو کردەوەیە دژە ئینسانی یە مەحکوم و شەرمەزار دەکەین لەهەمان کاتیشدا پرسە و سەرخۆشی خۆمان بۆ خانەوادە وبنەماڵەی گیان بەختکردوان ، هاوڕێیانی تێکۆشەری کۆمەڵەی شۆڕشگێڕی زەحمەتکێشانی کوردستانی ئێران دەردەبڕێت.
هەروەها،پر بەدڵ هیوای چاکبوونەوەی بە زوو یی بۆ سەرجەم بریندارەکان دەخوازین.
هەموولایەک باش دەزانن کە یەکەم جار نییە کە ڕژێمی فاشیستی کۆماری ئیسلامی بە هێرشی تێرۆریستی و ترسنۆکانەی لەو جۆرەوە هێرش دەکات و هەر لە دەستپێکی شەری ٣٩ رۆژەوە تائێستا نزیکەی ٤٠ جار و بە زیاتر لە سەدان دروۆن و موشەک هێرشی کردووەتە سەر بارەگاکانی کۆمەڵە و لەو ڕێگەوە ویستوویەتی ورەی گەلمان بڕووخێنێ و هەنگاوە شۆڕشگێرەکانمان سست بکات، بەڵام ئەوەی سەرشۆڕ و داڕماو و دۆڕاوە هەر کۆماری ئیسلامییە و بە دڵنییایەوە ئەو ڕژیمەفاشیستە تاوانبارە دوا پەلەقاژەکانی مەرگیەتی و دوور نییە ئەو ڕۆژەی تۆڵەی هەموو تاوانەکانی لێدەسێندرێتەوە.
ئەم جۆرە پەلەقاژە وکردەوە دڕندانەی ڕژێمی فاشیستی ئیسلامی ئێران هەنگاوەکانی لە گۆڕنانی خێراتر دەکات ڕۆژ دوایی ڕۆژ بڵێسەی ئاگری شۆڕش وڕاپەرین لەدەروونی هەر مرۆڤێک لەئێران وڕۆژ هەڵاتی کوردستان بەهێزتر و بەگر تر دەبێت کۆتایی ئەم فاشیستە درنەدەیە زۆر نزیکە !
