ڕۆلێ ڕۆژناما کوردستان ل بڵاڤکرنا هۆشیاریا نەتەوەیی

وەلید محەمەد سلێمان

ڕۆژناما کوردستان ئێکەم ڕۆژنامەیا کوردییە کو ژلایێ میقداد مەدحەت بەدرخان ل قاهیرەیا پایتەختێ مسرێ، بۆ ئێکەم جار ل ڕێکەفتێ 22-4-1898، هاتە چاپکرن.

ئێکەم ژمارا ڕۆژناما کوردستان، ل هەمان ڕێکەفت، ل لایێ میقداد مەدحەت بەدرخان ل قاهیرە دەرچوو. ڕۆژناما کوردستان ب گشتی 31 ژمارە لێ دەرچوون و بۆ ماوێ 4 ساڵان یا بەردەوام بوو. ژمارا 1ێ هەتا 5ێ ل قاهیرە هاتنە چاپکرن ل لایێ میقداد مەدحەت بەدرخان. پشتی کو میقداد مەدحەت بەدرخان نەخۆش کەفتی، دەستهەڵاتا چاپکرنا ڕۆژنامێ، داف دەست برایێ خۆ عەبدولرەحمان مەدحەت بەدرخان. ژمارا 6ێ هەتا 19ێ ل ژنێف ل سویسرا هاتنە چاپکرن.

ژمارا 20ێ هەتا 23ێ دووبارە ل قاهیرە هاتنە چاپکرن. ژمارا 24ێ ل لەندەن هاتە چاپکرن. ژمارا 25ێ دوو جارا هاتە چاپکرن، جارا ئێکێ ل لەندەن و جارا دوویێ ل فۆکستۆن. ژمارا 26ێ هەتا 29ێ ل شارێ فۆکستۆن ل بەریتانیا هاتنە چاپکرن. ژمارا 30ێ هەتا 31ێ ل ژنێفا سویسرا هاتنە چاپکرن.

هۆکارێ ڤەگوهاستنا چاپکرنا ڕۆژنامێ بۆ ڤان جهان، ڕێگری و فشارێن دەستهەڵاتا عوسمانیا بوو، چونکی ڕۆژنامێ ڕەخنە ل سیاسەتێن عوسمانیا دگرت. لبەرهندێ، ڕۆژنامە ب نهێنێ دهاتە بەڵاڤکرن و ل دەڤەرێن ژێر دەستهەڵاتا عوسمانیا قەدەغەبوو.

گرنگیا ڕۆژناما کوردستان بریتیە ل:
1- ئێکەم جار بوو زمانێ کوردی وەک زمانێ نڤیسینێ بشێوەکێ فەرمی هاتە بکارئینان.
2- ڕۆلەکێ گرنگ هەبوو ل بڵاڤکرنا هۆشیاریا نەتەوەیی و پاراستنا کلتوورێ کوردی.

ل دوماهیکێ، ڕۆژناما کوردستان وەچەرخانەکا دیروکی زۆر گرنگ بوو، بۆ ڕۆژنامەگەریا کوردی و بنچینەیەکێ ب هێز دانا بۆ پەڕەپێدانا وێ، چونکی ڕێک خۆشکر بۆ داهاتوویێ نڤیسەر و ڕۆژنامەنڤیسێن کورد. ئەڤ ڕۆژنامە نە بتنێ وەک ئامرازەک بۆ بەڵاڤکرنێ بکارهات، بەلکی بۆ مەیدانەک بۆ گۆڕینا هزر و بیر و نێرینێن ڕۆشنبیری.