غەزال هەستەوە!
سمکو نوری
لە دویٚنەکەوە چاوم بریوەتە سەر چاوت. چاوەکانت وەک دوو بروسکەی سەر کەل، لە پەنای نیگاهی میهرە بانت و گەنجیەکەت کە بوٚ هەمیشە گەنج و میهرەبان دەمیٚننەوە. بەلاٚم هەستەوە غەزال، هەستەوە شەقیٚک هەلٚدە لەم بازارە گلاٚوەی کوردایەتی.
ئەمروٚ لە یەکیٚک لە کەنالٚەکانی کوردایەتی بیٚژەریٚک وتی پاش برینداربونت بە دروٚنی رژیمی تیروٚریستی ئیسلامی دەتبەن بوٚ سیٚ “خەستەخانە”، توٚ بلٚیٚ قەسابخانە، دوٚکتوٚرەکان، وەریان نەگرتووی و لە بەر “هەندیٚ تیٚبینی سیاسی” ئەوەندە چاوەریٚیان کردوی تا دوایین دلٚوٚپی خویٚن لە جەستەت تەواو دەبیٚت و دلٚت لە لیٚدان دەکەویٚت. پیٚش خویٚندنەوەی ئەم هەوالٚە، واتە پیٚش ئەوەی یەک ووشە لە زاری بیٚژەر بیٚتە دەرەوە دەمزانی هەرچیەک بلٚیٚت دروٚ دەکات. زوٚر بە پەلە وتی “چیروٚکیٚکی ناخ هەژیٚنە”و و تیٚپەری.
گەرچی کوشتنی توٚ بە دەستی رژیم و بە هاوکاری کوردایەتی “چیٚروٚک” نەبوو دوبارە بوونەوەی راستیەک بوو، بەلاٚم ناخی ئەمانیش بە هیچ کلوجیٚک ناهەژیٚت، هەر ئەوەندەشی مابوو منەتیش بە سەر خەلٚکدا بکەن کە لە ناو جەنجالٚی ریٚکلام بو فیرعەونە کوردەکان و “برنجی مەحمود” و “چایی جیهان” ئاخیٚکی دروٚینەیان بو کوژرانی توٚ هەلٚکیٚشاوە. هەستەوەو شەقیٚک لە دەمی هەر هەمویان بدە.
من دلٚنیام ئەمانە ناخیان نیە و، گەر هەشتیانبیٚت بە هیچ شتیٚک ناخیان ناهەژیٚت، ناخیان گیرفانی سەرمایە و بەرژەوەندی چینی فیرعەونە کوردەکانە. چل روٚژە رژیمی ئیسلامی دروٚن و موشەک بارانیان دەکات، کەچی لە بەر بەرژەوەندی سیاسی و ئیٚقتسادی هاوبەشیان لە گەلٚ رژیم، ناویٚرن نووزە بکەن و باوەشیان بە ترامپ و رژیمی ئیسلامیدا کردوه. هەستەوە غەزال! شەقیٚک لە دەمی هەر هەموویان بدە.
ئەمانە “گەر” ناخیان هەبوایە ئەوە مانگیٚک لەوە پیٚش “یەنار محمد”یان لە بەغداد تیروٚر کرد تەنانەت هەوالٚەکەشیان بلاٚو دەکردەوە و ئاخیٚکی دروٚینەشیان بو یەنار هەلٚدەکیٚشا. “ئەگەر” ئەمانە ناخیان هەبایە شەش ئەوەندەی کیمیابارانی هەلٚەبجە کوشتنی ژنیان لە ژیٚرناوی “قەتلی ناموسی” نەدەشاردەوە و گوٚری بیٚ ناونیشانیان بوٚ دروست نەدەکرد. هەستەوەو شەقیٚک لە دەمی گەورە تا بچوکیان بدە غەزال. ئەگەر هەستایتەوە شەقیٚکیش لە دەمی ریٚبەری ئەحزابی کوردایەتی ئیٚرانیش بدە. ئەمانەش کەمتر لە ئەوانی دیکە خویٚری نابن.
پیٚیان بلٚیٚ ئیٚوەش بەشدارن لەم قەتلوعام و کوشتارە. پیٚیان بلٚیٚ خویٚنی غەزالەکان بریارە بکریٚتە شەرە چەقوٚو کیٚبرکیٚی گوریس کیٚشی لە ناو بالٚەکانی کوردایەتی و مانشیٚتی ئایەتولاٚ بی بی سی بوٚ ئەوەی چەن ریٚبەری خویٚری بهیٚننە تەلەفزیوٚنەکان و ماستاو بوٚ “سەروٚک ترامپ”بکەن. هەستەوەو لە گەلٚ هاوریٚ کچ و کورەکانت شەقیٚک لە دەمی ئەمانیش بدەن و کەمپی “رەش داش” بە جیٚ بهیٚلٚن و ریٚگای خەباتیٚکی راستەقینە بگرنە بەر بوٚ ئازادی، بوٚ یەکسانی، بوٚ دونیایەکی بە بیٚ چەوسانەوە.
برای خوانندهٔ فارسیزبان، این متن به زبان کردی خطاب به غزال مولان، دختر ۱۹ ساله، نوشته شده است؛ کسی که در «کمپ سورداش» بر اثر حملات هوایی رژیم زخمی شد و پس از مراجعه به سه بیمارستان تحت حاکمیت احزاب ارتجاعی کردایتی در اقلیم کردستان عراق “سلیمانیه”، به دلیل آنچه «ملاحظات امنیتی» نامیده شد، از پذیرش او خودداری کردند و در نهایت جان باخت.
این اقدام جنایتکارانه کردایتی و خصوصا احزاب حاکم در سلیمانیه کردستان عراق به عنوان هم پیمان رژیم آدمکشان اسلامی محکوم است.