بۆچی پەرتووکان بخوینین؟
وەلید محەمەد سلێمان
سەرپەرشتیارێ پەروەردەیی
ڕۆمان نڤیسێ ئەمریکی” هێنری میللەر” دبێژیت:
پەرتووک بتنێ هەڤاڵ نیە، بەلکو هەڤالی دروست ژی دکەت.
پەرتووك باشترین و ئێکەمین مامۆستایێ مرۆڤیەو گەلەکا ب مفایە، جوداهیەکا زۆر دناڤبەرا ئەو کەسێ پەرتووکان دخوینیت و ئەوێ نەخوینیت هەیە و هاریکارە بۆ ژیانێ و سەرکەفتنان مسۆگەر دکەت.
هندەک ژ مفایێن پەرتووک خاندنێ:
١- خاندنا پەرتووکان مرۆڤی دلخۆش و بەختەوەر دکەت، چ جارا هەست ب وەستیانێ ناکەت و هەردەم یێ گەشبینەو هەست ب خەمۆکیێ ناکەت و یێ ئەرێنیە.
٢- پەرتووک بانکا زانیارییانە و ئەوێ ب خواندنا پەرتووکان مەزن ببیت چ جاران بۆ پشتێ نازڤریت و بچیک نابیت، هەردەم دێ مەزن بیت و ژلایێ ژیری و زیرەکیێ ڤە دێ گەشێ و وەڕارێ کەت و ێ پێش کەڤیت، دێ زێدەتر باوەری بخۆ هەبیت و هەردەم دێ یێ سەرکەفتی بیت دژیانێدا.
٣- پەرتووك بهاترین و جانترین دیاریە و وەکی خارنێیە بۆ مرۆڤی، خواندنا پەرتووکان ناهێلیت مرۆڤ تۆشی دوودلیێ و بێزاریێ ببیت و مێشکێ مرۆڤی پڕ زانیاری و بهێز دکەت و ترسێ ( سترێس)ێ ناهێلیت و دەروونی ئارام دکەت.
ل دوماهیکێ … جوداهی دناڤبەرا ئەو کەسێ کو پەرتووکان دخوینیت و ئەوێ ناخوینیت وەکی وی کەسیە ئەوێ هەمی جیهانێ بتنێ د ئێک پەنجەرێدا دبینیت و کەسەکی کو هزار چاڤ هەنە بۆ دیتنا ڕاستیان.
