فاشیزم لە ئەمەریکا
ئەکرەم سەعید
لە وڵاتێکدا کە ژیانی مرۆڤ کەمترین بەهای هەبێ، لەسەر ئەو سەرپێچییە گچکەیەی کە(ڕێنی نیکۆڵ – Renee Nicole)کردوویەتی پۆلیس لێدەگەڕان تێپەڕێ و بڕوات، و دەتوانرا بە ژمارەی ئۆتۆبێلەکەی دوای چەند چرکەێک ناونیشانی ماڵەکەی دیاری بکرێ، و لەوێ پۆلیس دەستگیری بکات و ڕەوانەی دادگای بکات، کە بێگومان غەرامە دەدرا نەک هەتا زیندانیکردن.
بەڵام لە ئەمەریکای بەناو دیموکراتی و لەڕاستیدا فاشی، پۆلیسە دڕندەکانی کۆچبەری و گومرگ(ڕێنی نیکۆڵ)یان تیرۆرکرد. لەم کاتەدا سێ سەرکردەی بۆرژوازی ملیاردێری فاشی(ترەمپ، ئیلۆن مەسک، لیندسی گراهام)پشتوانیان لە پۆلیسە تیرۆیستەکە کرد لە دژی قوربانیەکە.
پێشبینی دەکرێ کە بەم نزیکانە دژی کاری تیرۆریستی پۆلیس خۆپیشاندان ئەنجام بدرێ. ئێمە ئەم فلیمەمان چەند جار بینیوە تاپلەی وەڕس بوون. ئاخر هەر لەو شارەدا بوو پۆلیس[جۆرج فلۆید]ی کوشت و بزووتنەوەی(ژیانی ڕەشەکان گرنگە)پتەو بوو، ئەنجامەکەشی ناڕەزایەتییەکانی خەڵکی هەمووی بوونە قازانج بۆ حیزبی دیموکراتی ئەمریکا و بایدن.سەرمایەدارەکان بە خوێنی قوربانییەکان سەرمایەگوزاری سیاسی دەکەن، و لە ژان و ناڕەزایەتییەکانی خەڵکی پشکی خۆیان لە دەنگدان زیاد دەکەن. ئەو جۆرە ئیشکردنە سیاسییەی بۆرژوازەکان دەیکەن لەسەر کارەساتەکانی وەک(هۆلۆکۆست، کیمیابارانی هەڵەبجە، گەمارۆدانی شاری کۆبانی، تیرۆرکردنی خەڵکی مەدەنی،، هتد)، و سوود وەردەگرن لە ناڕەزایەتی و خۆپیشاندانی خەڵکی، گەمەێکە خەڵکی خستۆتە نێو سووڕانەوە لە بازنەێکی داخراودا.بۆیە من لە ئێستادا ئومێدێکی زۆرم بە ناڕەزایەتی و خۆپیشاندانی خەڵکی نییە. ناڕەزایەتی و خۆپیشاندانی خەڵکی بە سوود دەبێ کاتێ سۆسیالیستەکان بەهێز بن، و بتوانن خەڵکی لەم بازنە داخراوەی بۆرژوازییەکان دەربازکەن.
