أمام المرايا
الحقائق لونها وردى
زي طيف عدى في السما
وهدى بنوره علي الوادي
و الوانها بتدارى كل العيوب
أشكالها زى الورود في الحدائق
وقلوبها نار تملي الكون حرايق
والخلايق واقفين صفوف
اللي رافع سيف الباطل
يصرخ يقول أنا الحق
في زمن الغيوم …..
اللي مش باين له اخر
والحق صرخته ضعيفه%
بتطل من آخر الصفوف
انا لسه باقي في وسطكم
ووجود ى هو اصل الوجود
والحياه مش دايمه اصحي وفوق
بحلوها ومرها وجمالها
مش هتكون للابد اوعاك تخون
إنسانيتك وحبك للى خلق هما الوجود
أمام المرايا
نفسك تظهر تشوف حسنها
وبردو تشوف غدرها
وكذبها يختفي والرياء والخداع
صورة ماليه المرايا وشوش
والخوف اللي مالي كلمتك …
خط مرسوم علي الوجوه
امام المرايا…
تشوف الصدق والحب …
تايه وسط الوشوش.
ونشوف صرختك تنده
غريب ارحموا الصبايا والولاد
من غدر الخسيس اللي حط
علي مدن الغلابه وفي كل بيت
والقناع سقط من علي الوجوه
الغدر ساكن قلبكم من غير ضمير
امام المرايا..
ممكن تقنعك بسمتك انك برئ
وممكن تصحح خطوتك
وتعيش عزيز وسط الديابه
اللي ملوا أرضنا حزن وانين
وتصحى الضمير غنوتك…….
والقلب اللي مات من سنين
وتقول كلمتك انت عدو ….
مش صديق واتخلع القناع
عن وشكم والعدل فين
امام المرايا
هتكون مقتنع انك حقيقي
وان صوتك الحزين…
ممكن يكون صرخة برئ
وسط الضجيج
امام المرايا
بقلم منال غنيم