کۆنگرێسی مەکسیک شەڕە بۆکسی تێکەوت بەهۆی ئەوەی ڕەتی دەکاتەوە سوپای ئەمریکا لەوڵاتەکەی جێگیربکرێت !
ئەڵتەرناتیڤی شورایی/ تایبەت
وەرگێرانی/ ئاوات ڕەسوڵ
*کۆنگرێسی مەکسیک شەڕە بۆکسی تێکەوت لەسەر ئەوەی کە ئایا ڕێگە بە جێگیرکردنی هێزەکانی ئەمریکا دەدات یان نا، دوای ئەوەی ترەمپ بە سەرۆکی مەکسیکی گوت کە پێویستە ڕێگە بدەن سوپای ئەمریکا لە مەکسیک جێگیر بکرێن بۆ بەرەنگاربوونەوەی کارتێلەکانی سەر بە سی ئای ئەی.
*بەپێی سەرچاوەی (مەکسیک سیتی) سیناتۆرەکانی مەکسیک ڕۆژی چوارشەممە دوای مشتومڕێکی گەرم لەسەر داوای ئۆپۆزسیۆنی ڕاستڕەو بۆ دەستێوەردانی سەربازی ئەمریکا دژی کارتێلەکانی ماددە هۆشبەرەکان، کەوتنە بەر لێدان.
*لە ٢٨ی ئاب بڵاوکراوەتەوە /ئاژانس فەرەنسا-پرێس
شەڕەکە جیراردۆ فێرناندێز نۆرۆنیا سەرۆکی ئەنجومەنی پیران بەرامبەر ئەلیخاندرۆ مۆرێنۆ سیناتۆرێکی ڕاستڕەوی ئۆپۆزسیۆن بوو، کە چەند ڕۆژێک پێشتر بە شێوەیەکی زارەکی بەهۆی تۆمەتەکانی بازرگانیکردن بە ماددە هۆشبەرەکانەوە دژی نیکۆلاس مادۆرۆ سەرۆکی ڤەنزوێلا شەڕیان کردبوو.
*بەڕێز مۆرێنۆ باسی لە بەڕێز مادۆرۆ کرد بۆ داواکاری گشتی بەهۆی پەیوەندییە گوماناوییەکانی لەگەڵ کارتێلەکانی مەکسیک و ئاماژەی بەوەدا کە پەیوەندی بە چالاکییە نایاساییەکانی پارتی چەپی دەسەڵاتدارەوە هەیە. بەڕێز نۆرۆنا ئەو تۆمەتانەی ڕەتکردەوە.
*دوای دانیشتنی چوارشەممە، بەڕێز مۆرێنۆ پۆدیۆمی گرت و بە تووڕەییەوە لە بەڕێز نۆرۆنیا نزیک بووەوە، کە ڕەخنەی لێگرت کە ڕێگەی نەدا قسە بکات. چەند جارێک پاڵی پێوەنا و شەقێکی لە ملی دا، پاشان پیاوێکی تر کە دەستوەردانی کرد بۆ ڕاگرتنی شەڕەکە بەڵام کەوتە سەر زەوی.
مشتومڕی یاسادانان کاتێک پەرەی سەند کە زۆرینەی بەرفراوانی لایەنگری حکومەت پارتی PRI و PANی کۆنەپەرستیان تۆمەتبار کرد بەوەی داوای دەستێوەردانی سەربازی ئەمریکایان کردووە، ئەمەش شتێک کە ئەم لایەنانە ڕەتی دەکەنەوە.
چەپ تۆمەتەکەی لەسەر بنەمای چاوپێکەوتنێکی ئەم دواییە لەگەڵ سیناتۆر لیلی تێلێزی کۆنەپەرست لە تۆڕی فۆکس نیوزی ئەمریکیدا دادەنێت، کە تیایدا دزەکردنی کارتێلەکانی بۆ ناو حکومەتی مەکسیک ئیدانە کرد.
دوو هەفتە لەمەوبەر میدیاکانی ئەمریکا بڵاویانکردبووەوە کە دۆناڵد ترەمپ سەرۆکی ئەمریکا فەرمانی بە هێزە چەکدارەکان کردووە بەرەنگاربوونەوەی کارتێلەکانی ئەمریکای لاتین کە لەلایەن ئەمریکاوە وەک ڕێکخراوی جیهانی “تیرۆریستی” دەستنیشانکراون.