ئەتوانین شوورایەک بۆگەل دامەزرێنین بۆ ئەوەی چیتر هیچ کەس و حیزب و بنەماڵەیەک لەسەروی خەڵکەوە دیکتاتۆریەت و چاو چنۆکی وزوڵم و ترس و تۆقاندن نەسەپێنێ بەسەر خەڵکی رەش و رووتدا وە ئەبێت خەڵک خۆی خاوەن بریارو دەسەلاتی خۆی بێت بۆ گۆڕینی هەر دۆخێک کەبەزەرەری میللەت بشکێتەوە.
خۆشحاڵ دەبین بەشداربن : لە گۆشەی ڕاپۆرت لە ماڵپەڕی ئەڵتەرناتیڤی شورایی دا بڵاو دەکرێتەوە: بۆچی ناڕەزایەتی خەڵک ناتوانێت سەرکەوتوبێ لەهێنانەدی داواکارییە ڕەواکانی ، ئایا پەیوەندی بەهەبونی دەسەڵاتی چەوسێنەرەوە هەیە لەکوردستان و عێراق ؟ زۆر جار دەگوترێ خەڵک پێویستە ڕێکخراوبکرێت ، کە هاوڕای لەم بۆچوونە ،ئەمە چۆن دەکرێ و پێویستە کێ ئەنجامی بدات ؟ ئایاحزبەکان چ کارەن و هەڵبژاردنی پەڕڵەمانی بۆچی بێ کاریگەرە لەم کۆمەڵگەی عیراقی و کوردیدا،ئاکامی ناڕەزایەتی یەکان چۆن بەرەو باشتر دەچێ؟
ئامادە کردنی /ئاوات ڕيسوڵ و عمر چاوشین
بەشی یەکەم
دڵشاد جەباری کرێکارو هەڵسوڕاوی سیاسی سەبارەت بە وەڵامی پرسیارەکان بەم جۆرە بۆچوونەکانی دەخاتە ڕوو:
وەک روون و ئاشکرایە ئێمەی گەلی کورد کەلەگەڵ ئەوەی هەر پارچەیەکمان لکێنرا بەووڵاتێکەوە وەهەریەک لەم ووڵاتانەش بۆ پرسی گشتی لەناوچەکە پەیرەو پرۆگرامێکی تایبەت بەخۆی هەیە دواتر بۆ پرسی کورد پابەندن بەیەک پەیرەو و پرۆگرامێک وەهەر ئەوەشە هەر پارچەیەک لەم پارچانەی کوردستان کەلکانویانە بەم ووڵاتانەوە زۆر ئەستەمە بتوانێت بەشۆڕشی چەکداری دووبارە خاکی چوار پارچە بداتەوە لەیەک و ڕزگاریان بکات بەڵام تاکە چارەسەری بنەرەتی بۆ ڕزگار کردنمان لەخاکی پارچە پارچە کراو ئەبێت پەنا بەرین بۆ ئەقڵ .
وە ئەتوانین لە ڕيگای شۆڕشێکی ئەقڵیەوە بتوانرێت پەروەردەیەکی بنا غەیی دامەزرێت بۆ پەروەردەکردنی تاک بەتاکی کۆمەڵگە بەلام سەرتا ئەتوانین لەچوار چێوەی ئەو ووڵاتەی کەئێمەیان لکاندوە پێوەی هەوڵی یەک ڕیزی و یەکخستنی ماڵی کورد بدەین لەڕێگای درووست کردنی بەرەیەکی بەر هەڵستی.
تاکو لەڕێگای ئەو بەرەیەوە بتوانرێت هەموو گرووپ و ڕێکخراو حیزب و بزوتنەوەکان یەک پێ بگريتەوە بۆ ئەوەی بتوانرێت بەتێکرای دەنگی گشتی بەرنامەیەکی تۆکمەو پەیرەوێکی جوان داڕێژرێت بۆ درووست کردنی حکوموتێکی تەکنۆکرات ومەدەنی شارەزا لەهەموو بوارو جومگەکانی حکومەتدا .
وەهەر لەو ڕيگایەشەوە ئەتوانین شوورایەک بۆگەل دامەزرێنین بۆ ئەوەی چیتر هیچ کەس و حیزب و بنەماڵەیەک لەسەروی خەڵکەوە دیکتاتۆریەت و چاو چنۆکی وزوڵم و ترس و تۆقاندن نەسەپێنێ بەسەر خەڵکی رەش و رووتدا وە ئەبێت خەڵک خۆی خاوەن بریارو دەسەلاتی خۆی بێت بۆ گۆڕینی هەر دۆخێک کەبەزەرەری میللەت بشکێتەوە.
وەئەگەر ئێستاش ئەم دۆخەی ئێمە تێیکەوتووین ئەتوانین بڵێین بەهۆی داڕمانی کیان و شارستانیەت و کەلتوور و فەرهەنگ و مێژوومانەوەیە.
وەلە چوار چێوەی ئەقڵیەتێکی ڕۆژهەڵاتی کەتاکو ئێستاش نەبۆتە خاوەنی بنەرەتی شارستانیەت وە دوور لەهەموو بەها مرۆڤایەتیەکان و یاسا کۆموڵایەتیەکان و شارستانیەتە.
وە بەردەوام زوڵمیان لەم کۆمەڵگایەی ئێمە کردوە وە زۆر جاریش لەهەموو لایەکەوە هەوڵی درووست کردنی فیتنەیی و دووبەرەکی و ترازاندنمانیان کردوە لەهەموو ڕوویەکەوە بەڵام خۆشبەختانە ئەگەر بێتوو لەکۆتاییهاتنی سەد ساڵەی پەیمانی سایکس بیکۆ کە جارێکی تر نەخشەی خۆر هەڵاتی ناوەراست نوێ ئەکرێتەوە ئەو کاتە ئێمە ئەتوانین سوود ببینین لەو گۆرانکاریە کەبەسەر ناوچەکەدا دێت ئەویش بەدرووست کردنی ئەو بەرەیەی کەباسمان کرد.
هەر ئەوەش ئێستا لەم کاتەدا هیچ هەوڵ و چالاکیەک کاریگاری ناکاتە سەر ئەم دۆخە پەرتەوازەیە.
ئەتوانین بڵێین ئێراقیش بەشێکە لەو عەقڵێتەی ڕۆژهەڵاتی ناوەڕاست کە ئێستا خۆشی ئەناڵێت بەدەست کەس و حزب و بنەماڵەی خۆسەپێنەوە کە لە نەبونی بەرەیەکی یەکگرتو پەرتەوازەکراوە.
سەبارەت بە وەڵامدانەوەی پرسیارەکانی ئەم دۆسییەیە زێرین تۆفیق دەڵێت :
ناڕەزایەتیەکان سەرکەوتوو نابن بەهۆی چەند فاکتەرێکەوە
1ـ ئەو گروپ ودەستەناڕازیانە بانگەشەی چاکسازی دەکەن بەشێکی زۆریان مشەخۆرن و بەرژەوەندی دیکەیان لەگەڵ لایەن و جێگەی دیکە هەیە.
2ـ نەبوونی بەدیلێکی باشتر لەڕووی سیاسیەوە
3ـ نەبوونی هیچ جۆرە ڕێکخستنێکی ڕاستەقینە ناڕەزایەتیەکان عەشوائین
4ـ ناڕەزایەتیەکان کۆی شارەکانی نەگرتووەتەوە و لۆکاڵین لە چەند ناوچەیەک زیاتر دەردەکەون.
5ـ بوونی ئۆپۆزسیۆنی نائومێدکەر بەتایبەت بزوتنەوەکەی نەوشیروان مستەفا بووە هۆی دەوڵەمەند بوونی کوڕەکانی ،نەوەی نوێ وەک جوڵانەیەکی فریودەرانە وەک ماکیاژی دیموکراسی بەکاردێت.
6ـ باوەڕێک دروست بووە تەنها بەهێزی نێودەوڵەتی و گۆڕانکارییە نێودەوڵەتی و هەرێمەیەتیەکان نەبێ گۆڕاناری دروست نابێ
7ـ ناوچەکە ئەمڕۆ هێزەکانی ڕۆژئاوا داگیری کردوە دونیای ڕۆژئاواو ئەمەریکا کەسانی گەندەڵ و بەکرێگیراویان دەوێت ،خۆماڵیکردنی نەوت و داهات و سامانی وڵات لەزیانی ئەمەریکی و ڕۆژئاواییەکانە.
