کۆربەندی چەپی کوردستان و چەند تێبینیەک …
کۆساڵان رەشيد هەورامی
ــــــــ کرێکاران و چەوساوانی جیهان یەکگرن ـــــــــ
ـــــــــــــــــــــــــــــــــــــــــــــــــــــــــــــــــــــــــــــــــ لە 25 شوبات کۆربەندی سێیەمی چەپی کوردستان ، بە ناونیشانی ( گۆڕانکارییە نێو دەوڵەتی و هەرێمایەتییەکان و کاریگەری لەسەر کوردستان ) بەستراوو ، چەند لایەنێکیش بەشداریان لە کۆربەندەکەدا کرد و گفتووگۆی خۆیانیان لەسەر کرد بوو … بەڵام تێبینیەکەی ئێمە ، ئەوەیە…
ئایا ئەو چەپانەی کوردستان کێن و کامانەن..؟ با هەق فەرامۆش نەکرێ ، ڕاستی و دروستی لە ئەنجامی لێدوان و جۆری لێکدانەوەدا دێتە بوون ، بەڵام لە بواری دڵسافی وپاکی لە ئەنجامی ووتووێژی خامەکاندا ، ئەو ڕێبازەش تا بگوترێ سروشتیە و شوێنی وات و وویتی تێدا نییە.. با جارێ ئەوە ڕوون بکەینەوە ئەو چەپانەی کوردستان ، کە لەم قۆناغە لیخن و شێواوەدا هاتۆتە پێشمان ، تێکۆشان و ئەرکەکانی داهاتوویان لەسەر شانە کامانەن ؟!
ــ چەپ لە واتایی فەرهەنگیدا.. واتە ئەم زاراوەیە لە مێژوودا ، لەکەیەوە سەری هەڵداوە و تەختی سەر زمانی گرتووە و چی بیروڕاوو بۆچوون و مەبەستێک ئاوێنه دەکاتەوە..!! ــ چەپی کوردی و گوتنەکان… مەبەستی تەواومان ساغکردنەوەی ئەو خێڵە چەپانەیە کە ئەمڕۆ بۆ خواست و مەبەستی بەربەرەکانی شیوعیەت خراونەتە ناو گۆڕەپانی لێدوانی کۆڕ و کۆمەڵی ناسراوەوە..
ــ بە کورتی دەربارەیی کۆڕبەندەکانی چەپ ، ئەمەشیان ڕوونکردنەوەیناڕاستی ئەو کەسانەیە کەبەشدارییان کردووە و کە دەیانەوێ لەژێر ئەو چارشێوە شەق و دراوەدا لە بناغەوە ، ئەفکاری مەزنی مارکسیزم لینینزم ، بە درۆ بخەنەوە و لیخینی بکەن ، تایبەت بە واتایی پیاچوونەوە و نوێکردنەوە کە دەمێ ساڵە خەریکن و بۆیان نەچۆتە سەر ، کە ئەم واتا ژەهراویە لە ئومەمیەتی دووەم و نیوە ( الاممیة الثانية و الاممية الثانية والنصف ) ەوە دوای خیانەتی حزبە سوشیالیستە ــ دیموکراتیەکان ،بڵاو بۆوە..
ئێستاش دەیڵینەوە ، ئەو چەپانە کێن ، و چ کارەن ، وەک ناویان هاتووە لە کۆڕبەندەکەدا، ئەگەر خۆیان بە چەپ دەزانن ، خێرە بەدرێژایی 34ساڵ ، خۆیان دوورە پەرێز گرتووە لە چەوساندنەوەی کرێکاران و جوتیاران و چەوساوان و هاوپەیمانەکانیان ..!!
ئایا بە گوتەی چەپگەراتان و بەکارهێنانی واتای چەپ ، زیندووکردنەوەی نەهجی ژەهراوی سۆشیاڵ دیموکراتەکانی ئومەمیەتی دووەم نیە، کە خیانەتیان لە چینی کرێکاری ووڵاتەکانیان ، لە شۆڕشی پڕۆلیتاریا و فکری مەزنی مارکسیزم لینینزم و بەربەرەکانی شیوعیەت و ڕژێمی سۆشیالیستی جیهانی و بەرگری لە عەولەمەی ئیمپریالیستی جیهانی دڕندە ناکەن ؟! لە کۆتایدا ، هیوادارین با بەس بێت ،
دوژمنایەتی کردنی سۆشیالیزم و شیوعیەت و فکری مەزنی مارکسیزم لینینزم ، چونکە لە مێژوودا زۆر هەبوون دژایەتیان دەکرد و ئەنجامەکەشیان دەرکەوتن و مێژووش خستنیە زبڵدانەکەیەوە .
چیتر چینی چەوساوان و کرێکاران چەواشە ناکرێن و هەڵناخەڵەتێ بە قسەی بریقەدارتان ، میللەت کرداری شۆرشگێرانەی دەوێ ، بۆ ڕزگاربوونی لەو دۆخە لیخن و شێواوەی کە بەرۆکی گرتووە و ناڵە ناڵیەتی بەدەست سیاسەتی دڕندانەی ئیمپریالیزم و نۆکەرانی…
سوود لە پەیجی صوت البلشفي .. وەرگیراوە.. شیوعیەت سۆشیالیزم مارکسیزم لینینزم
