سەلاح دین دمیرتاش هەڵەی کوشندە دەکەی ئەگەر لەژێر هەربیانوێکدا بە ئوردوغان دەڵێی تەمەندرێژبێت !
ئاوات ڕەسوڵئەمە سیاسەتێکی چمانەوەیە لەبەردەم فاشیزم وکۆنەپارێزدا کەلەزیندانەوە ،بەدیکتاتۆرێکی فاشیزم بگوترێت تەمەندرێژبیت.
بەدرێژایی دەسەڵاتی ئەم فاشیزمە کە ئوردۆغان سەرۆکایەتی دەکات کۆمەڵگەی تورکیا بەرەو دواوە دەگەڕێتەوە بەرەو کۆنەپەرستی و چەوسانەوە ونایەکسانی ،بەرەو زۆربوونی قەیرانە ئابووری وسیاسی یەکان .
لەسایەی ئەم دەسەڵاتەی ئۆردوغاندا جیاوازی چینایەتی وبێکاری وهەژاری ڕۆژانە گیانی مرۆڤەکان هەڵدەللوشێت.بەڵام وێژانت نابزوێت لەئاستیدا باسی ناکەی دێت هیوای تەمەندرێژی بۆ دەخوازی !!!
ئۆردوغانێک تاوانبارە بەئەنجام دانی کۆمەڵکوژی گوندنیشان و کیمیابارانکردنی گەریلا ،بە سەرکوتکردن وچەوسانەوە ونایەکسانی و تاوانبارە بە سووتاندنی دارەستانەکانی کوردستان و بڕینەوە دەرهێنانی دار زەیتوونەکان و بە کوشتنی خەڵکێکی زۆری ڕۆژئاوا و وێران کردنی شاری کۆبانی و چەندین دێهات و شارەکانی خۆرئاوای کوردستان . کە ئوردوغان تاوانبارە بە کۆمەڵکوژی لەدێهاتەکانی باشووری کوردستان و لەناوبردنی دارەستان وباخ و دێهاتەکانی .
ئەمە چ جۆرە بێ ویژدانێکە هیوای تەمەندرێژی بۆ ئەم جۆرە دیکتاتۆروفاشیزمە بخوازی ؟!
ئەمەیە هەڵەیەکی کوشندەیه کە سەلاحەدین دیمیرتاش ئەنجامی دەدات وەکو هەڵەیەکی مێژوویی و پشتیوانی مانەوەی فاشیزم ئەژمار دەکرێت لەمێژوودا.
هەرگیز ناکرێت لەژێر هیچ بیانوێکدا بە دیکتاتوروفاشیزمێک بگوترێت تەمەندرێژبێت .
کەوایە ئەی بۆچی چەندەها ساڵە کوڕە جوتیارو کرێکارو زەحمەتکێشەکان و خەڵکی کوردستان وتورکیاتان هاندەدا کە دژایەتی سیاسەتەکانی ئوردوغانی فاشیزم بکەن و هەتا بچن شەڕبکەن خۆیان بکەنە قوربانی یان ڕاپێچی زیندانەکان بکرێن ؟
هەربۆیەئێوە وەک سیاسەت مەدارێک لەئێستاوە بەلایەنگری لەبەرەی ئوردوغانی دیکتاتۆر ئەژمار دەکرێن نەک لایەندار بە بەرەی ئازادیخوازویەکسانیخوازی کۆمەڵگە .
چونکە لەبەرژەوەندی گەشەی بزوتنەوەی ئازادیخوازی ویەکسانیخوازی کۆمەڵگەدایە هەرچی زووترە ئەم دیکتاتۆرە ئیسلامی یە لەتورکیادا لەناوبچێت نەمێنێت.
