تەقەکردن لە خوێندکاران
هێمن باقر، ڕۆژنامەنووس
چیرۆكەكە ئاوایە
ووتی یەكەم فیشەك دەنێم بە قاچی پاسەوانەكەی خۆمەوە و دەڵێم تەقەم لێكراوە،ئینجا تەقە لە ئێوە دەكەم!
ساڵی 2000 بوو،خوێندكاری زانكۆ بووین،دژی هاتنی سنوربەزاندنی تورك بۆ هەرێم وەكو خوێندكارانی زانكۆی سلێمانی خۆپیشاندانێكان رێكخست بۆ بەردەم نەتەوە یەكگرتووەكان دژی هاتنی سوپای تورك،ئەو دەمە هاوكێشەكە جیاوازبوو،یەكێتی پەیوەندی لەگەڵ توركیا باش بوو،ئیدارەی سلێمانی زۆر بە خۆپیشاندانەكە و دروشمەكانی نیگەران بوون،تارادەی دەرچونی فەرمانی گرتنی بۆ رێكخەرانی.
لەدوای خۆپیشاندانەكە هاورێی رەحمەتیمان ئەبوبەكر حەسەن گیرا،بۆ رۆژی دواتر زیاتر لە چەند سەد خوێندكارێك گردبوینەوە و بە خۆپیشاندان چوینە بەردەم ئاسایشی گشتی لە فولكەی كاوە، خەریك بوو پێكداهەڵپژان رویدەدا،بەرێوەبەری ئاسایش،هاتە ناو خوێندكارەكانەوە و ووتی ئێرە چۆڵبكەن،ئێمەش ووتمان تا بەكر بەرنەدەن چۆڵی ناكەین.بەرێوەبەرەكە ووتی بڕۆن با تەقەتان لێ نەكەین.
ئێمەش بە خەیاڵێكی بەریئانەی سەردەمی خوێنكاریەوە وتمان چۆن دەتوانن تەقە لە خوێندكار بكەن،زۆر بە سانایی ووتی بڕۆن بكشێنەوە،ئەگینا یەكەم فیشەك ئەنێم بە قاچی پاسەوانەكەی خۆمەوە و دەڵێم تەقەم لێكراوە لەناو خوێندكارەكانەوە و ئێمەش بەرگریمان كردووە.
تا ئەو كاتە وامدەزانی هەر بەراستی دەستی ناچێتە كوشتنی خوێندكار،بەڵام كە گوێم لەو رستەیە بوو زانیم بە جدیەتی و سڵ ناكاتەوە لەوەی بیكات.
بە کورتی ئەوەی رویداوە،هەر درێژەی ئەم چیرۆكەیە…….