نابۆزیندانی خۆپیشاندەران بەڵێ بۆئازادی کاک ئادەم
هاوڕێیان ئێمە پێشتر بەردەوام گوتوومانە بەرپرسانی دەسەڵاتی چەوسێنەرونایەکسان ودزی باشووری کوردستان تۆمەتی کوشندە وناڕاست دەخەنە پاڵ خەڵکی ناڕازی و خۆپیشاندانەکانی کوردستان بەتایبەتی ئەو مرۆڤانەی چالاکن لەناو ناڕەزایەتییەکاندا .
ماوەی چەند ڕۆژێک ئەم هاوڵاتییە زیندانی کراوە بەتۆمەتی تێکدانی ئاسایشی نیشتمانی ونەتەوەیی لەکاتێکدا بەهۆی بڵاوبوونەوەی ڤیدۆیەکەوە بووە کەدواتر لەسائیتە عەرەبی و کەناڵەعێراقی یەکان بڵاوکراوەتەوە و لۆگۆی خۆیان لێداوە ،بەڵام ئێستا دەرکەوتووە کە ئەو ڤیدۆیە پێشتر کەناڵێکی ڕاگەیاندنی ڕێگەپێدارەو بڵاوی کردۆتەوە نەک ئەو هاوڵاتییە .
هەرچەندە سەرجەم وێنەی ڤیدۆکە زۆر ئاساییە هیچ زیانێکی بۆ ئاسایش وئارامی خەڵکی کوردستان نییە .
فەرموو ئێستا کێ تاوانبارە!
ئێستا ئەو هەموو میدیای پارتی دوو ڕۆژە سەرقاڵی بوختان و پەلاماردانن چی دەڵێن!
کاک ئادەم بۆ لە زیندانە؟!
لێرەوە ئێمە داواکارین دەست بەجێ کاک ئادەم ئازاد بکرێت لەهەمان کاتیشدا قەرەبووشبکرێتەوە و بەفەرمی داوایی لێبووردن لە کاک ئادەم بکرێت لەسەرئەوەی هێزە ئەمنی یەکانی حکومەتی هەرێمی کوردستان تۆمەتی ناڕاست و دژەئینسانیان بۆسازکردووە و چەندین ڕۆژ زیندانی کراوە .
پێویستە خەڵکی ناڕازی کوردستان بەڕێکخراوبوونیان لەناو بزوتنەوەی جەماوەری دا کە لەدەرەوەی حیزبەکانەوە بێتەکایەوە وشورا وئەنجومەنەکانی خۆیان پێکبهێنن بۆ بەرەوپێشبردنی هەنگاوەکانی تێکۆشانە جەماوەریەکان کەسەرجەم شاروشارۆچکەکانی کوردستان لەخۆبگرێت بەئامانجی هێنانەدی ژیانێکی باشتر لەتێکۆشانی هاوپشتی ویەکگرتوانەی جەماوەری دا درێژە بە تێکۆشانەکانیان بدەن.
نابۆ زیندانی خەڵکی ناڕازی و خۆپیشاندەران.دەبێت دەست بەجێ کاک ئادەم ئازادبکرێت.سەرکەوتووبێت تێکۆشانی هەڤخوازانەی خەڵکی ناڕازی کوردستان بۆ هێنانەدی ژیانێکی باشتر .نان کار ئازادی ئیدارەدانی شورایی
شورایی هاوپشتی خەڵکی کوردستان
١٣/٢/٢٠٢٥
