ئەمە لەوەڵامی ئەوەی نان کار ئازادی دروشمی کۆنە وبۆرژوازییە !!
ئاوات ڕەسوڵ
بە بۆچوونی ئێمە گرنگ ئەوەنییە کە دروشمی نان کار ئازادی کەی بەرز کراوەتەوە ،مێژووەکەی بۆکەی دەگەڕێتەوە کە قۆناغی دەرەبەگایەتی یە یان بۆ چوونێکی بۆرژوازییە !
بەڵکو ئەوە بەلای ئێمە گرنگە کە هیچ مرۆڤێک ناکرێت بێ نان بێت ودابینکردنی نان نابێت تێکەڵ بە ململانێی سیاسی ودینی ونەتەوایەتی و فکرییەکان بکرێت .
ئەوەی ئێمە کاری لەسەر دەکەین کەباسی نان کار ئازادی ئیدارەدانی شورایی دەکەین جیاوازترە بەهۆی ئەوەی ئێمە بە دوو ئەڵتەرناتیڤ هەنگاو دەنێین :
یەکەمیان بەهەنگاوی ئەوەی کە بەپێی بارودۆخی شێوازوجۆری ووشیاری مرۆڤەکان کە دەتوانن لەگەڵ تێکۆشانیان سەلامەتی گیانیان پارێزراوبێت کە لەجۆری تێکۆشانی مەدەنی و هەنگاوە فشارە مەدەنی یەکاندا، کە ڕاستەوخۆ گرێدراوە بە چۆنێتی ژیانیان .
ئەبیندرێت بەشێکی زۆری خەڵک ناتوانن پێداویستی یە سەرەتاییەکانی ژیانیان دابین بکەن و چارەسەری نەخۆشی یەکانیان بکەن بەهۆی هەژاری یەوە هەروەها تەنانەت هەیانە زۆر بە خەراپی دەستیان دەگات بە دابینکردنی سێ ژەمەکانی ڕۆژانەیان ، یان شوێنی خەویان نیە کەناتوانن بۆ چەند کاتژمێرێک پشووی تێدا بدەن لەگەڵ خانەوەدەکەیاندا ،بەناچاری لەقەراغ شارو پارک وباخچە و لاکۆڵان وکوچە و کۆڕەستان و زێراب و کەلاوە نیوە ڕووخاوەکاندا لەژێر لایلۆن وکارتۆندا ژیان دەگوزەرێنن بەسەرمای زۆر و گەرمای زۆر .
ئێمە لێرەوە دروشمی نان بەرز دەکەینەوەکە خەڵک حکومەت بەرپرس بزانێت کە پێویستە لەدەرەوەی ململانێی سیاسی ودینی یەکان هاوڵاتی بێ بەرامبەر دەستی بگات بە خواردن و شوێنی خەو و مانەوەی وەک مرۆڤ .
کاتێک باسی کار دەکەین ئەمەش لەچوارچێوەی هەنگاوە مەدەنی یەکەدایە کە حکومەت بەرپرسە لەدابینکردنی کارێکی گونجاو بەپێی توانا و لێهاتوویی مرۆڤەکان ئەگەر کاریش نەبێت پێویستە بیمەی بێکاری پێبدرێت هەتا کارێکی گونجاوی بۆ دابین دەکرێت .
دەست فرۆشێک وکرێکارێکی بیناسازی و کرێکارێکی سەربەخۆ و زەحمەتکێشێکی کۆڵبەر و ڕەنجدرو جوتیارێک کە کاری کەشەوەرزی وجوتیاری دەکات و شوفێرێکی تەکسی و نانەواخانەیەک و پینەچێک و هەر مرۆڤێکی ڕەنجدەرو زەحمەتکێش ئەگەر کارمەند و کرێکاری کارگەکان و دامەزراوەکانی حکومەتیش نەبێت مافی ئەوەی هەبێت کە تەمەنی دەگات تەمەنی خانەنشینی کارمەندێکی حکومەت خانەنشین دەکرێت ئەم مرۆڤە زەحمەتکێش و ڕەنجدەرانەش بەپێی یاسا خانەنیشین بکرێن بیمەی خانەنیشینی و تەندروستیان بۆ دابین بکرێت ئەبێت حکومەت بەرپرس بکرێت .
کاتێک گرنگی بە ئازادی دەدەین لەم تێکۆشانە مەدەنییەدا زیاتر ئامانج ئەوەیە کە مرۆڤەکان بەکردار ئاوێتەی هەنگاوی قبوڵکردنی تێڕوانینە جیاوازی یەکان و فەرهەنگ و فکرە جیاوازەکان بن هەروەها تێکۆشانیش گەشەپێبدەن بۆ بەرگریکردن لە هەبوونی ئازادی بێ مەرجی سیاسی لەهەر جێگایەکیش سەرکوت هەبوو دژایەتی بکەن .
ئەڵتەرناتیڤی دووەم کە ئێمە تێکۆشانی بۆ دەکەین ئەویش هێنانەدی ئیدارەدانی شورایی یە ، کە کۆمەڵگە لەلایەن خودی خەڵکەوە لەڕێگای شوراکانیانەوە ئیدارەبدرێت و چاودێری سەرجەم هەنگاوەکانی شێوازوجۆری بەڕێوەبردن لەلایەن خەڵکەوە بکرێت .
بۆ زانیاری ئێمە هەر گیز ناڵێین حکومەتی شورایی دادەمەزرێنین بەڵکو دەڵێین ئێمە هاوپشتی دەکەین لە هێنانەدی ئیدارەدانی شورایی واتە ئەوە خەڵکی کۆمەڵگەیە کە دەتوانێت ئیدارەدانی شورایی دابمەزرێنێت ئەمەش لەڕێگەی گفتوگۆکان و کۆبونەوەکانی ناوەندەکانی کارو شوێنی ژیانیانەوە .
ئێمە لەگەڵ کۆپی کردنی هیچ جۆرە سیستەمێکدا نین بۆکۆمەڵگە بەڵام ئێمە گرنگی زۆر دەدەین بە وەی کە خەڵک خۆی بەپێی ئاستی گەشەی ووشیاریی وشارەزاییان بۆ بەڕێوەبردنی ژیانیان کۆمەڵگە بەڕێوەبەرن .
ئەوە ئێمەنین کە دیاری دەکەین کە کاری کرێ گرت کۆتایی پێ بێت و هیچ جۆرە چەوسانەوە و نایەکسانی یەک لەکۆمەڵگەدا نەمێنێت بەڵکوئەوە جۆری ئاستی گەشەی ووشیاری چینایەتی کۆمەڵگەیە کەململانێی یەکان بەرەو ئەو هەنگاوە کردارییە قبوڵ دەکات و پارێزگاری لێدەکات کە کاری کرێ گرتە و هیچ جۆرە نایەکسانی و چەوسانەوەیەک نەمێنێت. هەر هەنگاوێکی سوودبەخشیش بێت کە ژیانێکی باشتر وئازاد بۆ خەڵکی کرێکاروزەحمەتکێش بەتایبەتی و تەواوی کۆمەڵگە بەدی بێت ئێمە گرنگی پێدەدەین وپشتیوانی لێ دەکەین وهاودەنگی کرداری دەبین ..
نان کار ئازادی ئیدارەدانی شورایی
