لەقەزای کۆیە پیاوێک کوژرا !

سورە بیتوێنی ئەڵتەرناتیڤی شورایی/ قەزای کۆیە

ئێوارەی ئەمڕۆ یەکشەممە ،لەبەرواری 15/ 12/ 2024، لە گەڕەکى هەیبەتسوڵتان لەقەزای کۆیە لە ڕووداوێکى تەقە كردندا پیاوێکی تەمەن 36 ساڵە بەنێوی ( سەرتیپ عەبدوڵا) کوژرا.

ئەڵتەرناتیڤی شورایی زانیویەتی ،کە تاوانلێکراو دانیشتووی ناحیەی تەقتەق بووە سەربە هەمان قەزا.

هەر بەپێی زانیارییەكان ،لەڕووداوەکەدا فیشەك بەر سەری دەكەوێت و پێش گەیاندنی بە نەخۆشخانەی شەهید دکتۆر خالید لە قەزای كۆیە، بەهۆی سەختی برینەكەیەوە، ژیانی لە دەست داوە.

هۆکاری ئەو ڕووداوە تاوانکاریە دەگەڕێتەوە بۆ بوونی کێشەی كۆمەڵایەتی .

لەدوای ڕووداوەکە پۆلیسی قەزای كۆیە دەستیکردوە بە لێکۆڵینەوە لەڕووداوەکەو دەست بەجێ دۆسیەی بۆ کردۆتەوە. بەڵام نەزاندراوە کە تەقەکەرەکان دەستگیرکراون یاخود ڕایانکردوە.