جێگای سەرسوڕمان نییە کە ٢ دوو ملیۆن کەس لە بریتانیا توانای دانی پارەی غاز و کارەبایان نییە!!
زاهیر باهیر
تەنها لە سێ مانگی یەکەمی ساڵی 2022 و 28 گەورەترین کۆمپانیای نەوت و گاز بە کۆی گشتی 100 ملیار دۆلار (86 ملیار پاوەند) قازانجیان کردووە.
لە چارەکی دووەمی ساڵی 2022 دا کۆمپانیای بی پی بەریتانی گەورەترین قازانجی چارەکی خۆی، لە حوزەیرانەوە بۆ سێبتەمبەر لە ماوەی 14 ساڵدا بەدەستهێنا و قازانجی ئاسایی سێ هێندە زیادیکرد و لە ماوەی سێ مانگدا گەیشتە 8.5 ملیار دۆلار.
هەروەها کۆمپانیای شێڵ لە هەمان ماوەی ساڵدا 11.5 ملیار دۆلار قازانجی کردووە.
بەگوێرەی راگەیاندنەکانی بریتانیا کۆمپانیای شێڵ لە سالی 2017 وە تاکە پێنسێك باجی بە دەوڵەتی بریتانیا نەداوە .
توێژینەوەیەکی نوێ بە ئامارەوە لەم ڕۆژانەدا ڕوونیان کردەوە کە زیادکردنی باجی داهاتی کۆمپانیاکانی نەوت و غاز یارمەتیدەر دەبێت بۆ پڕکردنەوەی کون و بۆشایی دارایی کە لە بوجەی بریتانیادا هەیە بە بڕی 40 ملیار پاوەند پڕدەکاتەوە و هاوکاتیش پارەی دانی وزە لە لایەن بەکاربەرەوە بە نزمییدەمێنیتەوە.
توێژینەوەکە دەلێت دەڵێت، پێویستە بەریتانیا باجی نەوت و غازی دەریای باکووری بریتانیا بۆ ڕێژەی 78%ی بەرزبکاتەوە بۆ ئەوەی بیگەیەنێتە ڕادەی ڕیژەی باج کە لە وڵاتی نەرویجدا لە لایەن ئەو کۆمپانیانەوە دەدرێن.