لە شارۆچکەی حاجیاوا باندێكی دزیکردن دەستگیر کرا !

ئەڵتەرناتیڤی شورایی /

فەرمان چۆمانی و عومەر چاوشین/ پۆلیسی ڕاپەڕین دەستگیر کردنی باندێکی دزی کردنی لە شارۆچکەی حاجیاوای سەر بە ئیدارەی ڕاپەڕین ڕاگەیاند کە چەندین دزی جۆراو جۆریان ئەنجامداوە.

شۆڕش مام ئاغا گوتەبێژی پۆلیسی ڕاپەڕین ڕایگەیاند “باندێکی 3 کەسی دەستگیر کراوە کە چەندین دزیان ئەنجامداوە، کە یەکێک لە تۆمەتبارەكان میوانداری ماڵی خەزووری كردووە و برادەرەکانیشی ناردووە بۆسەر ماڵی خەزوری دەفتەرێک و ١٧ملیۆن دیناریان لە خەزوری دزیوە”۰ پۆلیس ڕاشیگەیاندووە ئەو دزانە دوو سەگی ڕەسەنی پشدەریان دزیوە و نرخی هەر سەگێک دەفتەرێک دۆلارە.