مێیاتیا خۆه‌داوه‌ندا!
ژ هه‌لبه‌ستا هه‌ڤالێ ده‌مهات نوری ئه‌بدال /
ھێلان چیا/
ژ خوەزاینا خوەزایی تو
سیمبۆل ئاناهیتایی تو
کچ ئەهۆرامەزدایی تو
هەڤناس و ئەختەرناسی تو
سارێژ و ئافرێنەری تو
ئەزم ئاڤێستایاتە ئەز
* * * *
ڤێستا ئاگر پەرێسی تو
گەرم و پیرۆز و فەهرەستی تو
ژ گەلێن ئاریان هەلستی تو
نقرۆسکا چاڤێن مەستی تو
ئەزم ئاگرێ نیروژێ ئەز
* * * *
خوەجهیا خوەدینیێی تو
ڕۆناس و ستێرک ناسی تو
لاندکا شارستانیێێ تو
ڤەژینا نۆحێ کالی تو
ئەزم نێرڤانێ جۆدی ئەز
* * * *
دایک فیدا دایکینیێیی تو
خوەدایا چاندنێیی تو
رەڤوکا نێربازیێیی تو
لبن گا و هەسپێ زۆریێیی تو
ئەزم ژن ژین ئازادی ئەز
* * * *
تو هێزا گلگامێشی تو
نیڤ خودا و نیڤ مروڤی تو
داستانەک پڕ وێژەی تو
ڕۆحداینەک دێرینی تو
ئەزم جزیری و خانی ئەز
* * * *
خوداوەندەک گۆلانی تو
فلۆرا دل ب هێڤی تو
ئەفسانەیا رەنگانی تو
قەوز و قوزەحا قەوسی تو
ئەزم نیگار کێشێ تە ئەز
* * * *
زەنگ کۆرالا دێرانی تو
بانگ هەلدێرا ئولانی تو
هارپ سەما سومەریانی تو
تەمبورا ئەهلێ حەقی تو
ئەزم مایسترویێ تە ئەز
* * * *
هەلگرا ڕۆمەتێیی تو
خاچ و کێل و لالەشی تو
دایک شیردەرا گەلانی تو
ئاریان و ئاڤێستایی تو
ئەزم گورستانا تە ئەز .