لەلایەن ئاسایشی شاری سلێمانی ٣کەس لە هەڵسوڕاوانی کۆمۆنیستی و چالاکوانی مەدەنی دەستگیر کران

 ئەڵتەرناتیڤی شورایی /سلێمانی-حەسەنە ڕەش

لەئەنجامی سیاسەتی برسیکردن و چەوساندنەوەو پێنەدانی موچەی خەڵکی کوردستان لەلایەن دەسەڵاتی ناسیۆنالیست دکتاتۆری کوردستان ، بەشێکی زۆر لە چالاکوانان و موچەخۆرانی کوردستان کە لە زۆربەی شاروشارۆچکەکانی کوردستان بەیەک دەنگ بە پەرۆشەوە لەناو جەرگەی سلێمانی خۆپیساندان و ڕۆیشتنیان ئەنجامدا.

 

لەوچالاکیە مەدەنیەی خەڵکی کوردستان چەندین شیعاری دژە دەسەڵات پڕ بە گەرویان گوترایەوە .

لەئەنجامدا دەسەڵاتی سیاسی سلێمانی توڕە بوو خۆی لەبەرامبەر بە توڕەیی خەڵکی ناڕازی نەگرت و ٣کەس لە هەڵسوڕاوانی ناڕەزایەتیەکان لەلایەن ئاسایشی سلێمانی دەستگیر کران بەناوەکانی

١– ابوبکر هەڵەبجەیی

 

٢-خالید مەجید

 

٣- نەوزاد بابان

 

لەدوای چەند کاتژمێرێک دەستبەسەرکردنیان لەلایەن ئاسایسی سلێمانیەوە دواتر ئازادکران.

 

لەدوای ئازادکردنەکەیان :

نەوزاد بابان لەڕونکردنەوەیەکدا لەلاپەڕەی تایبەتی خۆی لە تۆڕی کۆمەڵایەتی فەیسبوک ، نوسیویەتی :

( ڕون کردنەوەیەک بۆڕای گشتی، ئیمڕۆ یەک شەممە (٣-١٢-٢٠٢٣) بەشدار بووین لە خۆپیشاندانی بەرفراوانی مامۆستایان و فەرمانبەرانی ناڕازی کە لەبەردەم (پەروەردەی ڕۆژئاوا)ی سلێمانی دەستی پێکرد بۆ لای پردی قلیاسان بەرامبەر باڵەخانەی پارێزگای سلێمانی،

 

لەگەڵ ئەوەی کە لەنێو ئەو ئاپۆڕای خۆپیشاندانە گەورە جەماوەرییەدا من پەیامێکی بەدیلی کۆمۆنیست و تجمع المنتفضين الثوريين و وتارێکی کورتم هەبوو، بۆ پشتیوانی لەو بزووتنەوە ناڕەزایەتیـەی مامۆستایان و بێ باکی حکومەتی هەرێم و دەسەڵاتداران لەبەرامبەر خواستە ڕەواکانیان.

 

نەوزاد بابان لە ڕونکردنەوەکەیدا لەسەر دەستگیرکردنەکەیان زیاتر نوسیویەتی ، هێزەکانی ئاسایش هەڵمەتیان هێنا و چەند هەڵسوڕاو لە مامۆستایانی ناڕازی و من و هاوڕێ خالید مەجیدو مامۆستا ابوبکریان گرت و ڕاپێچی زیندانیان کردین. دوای سێ (٣) کاتژمێر لەگەڵ هاوڕێ خالید مجید و مامۆستا ئەبوبکر کە دانیشتووی شاری هەڵەبجەیە ئازاد کراین.

 

لە کۆتایی پەیامەکەیدا ،نەوزاد بابان دەڵێت : لێرەوە سوپاسی تەواوی دۆستان و هاوڕێیان دەکەم کە لە هەوڵی پەیووەندی و لە خەمی ئازاد بوونماندا بوون.

دروشمەکانی خەڵکی ناڕازی بریتی بوون لە :

-کوانێ داهاتی وڵات.

_ بایکۆت بەردەوامە.

_بڕۆخی دز ،شەریکەدز .

_ئەندازیاری تاڵانی بەرزانی و تاڵەبانی.

_نامانەوێت موچەکانمان لای موچە دزەکان بێت .