دەعوای سیاسی لە زۆنی زەرد لە سەر ئازادی چارنوسسازە

ابراهیم حسین 

کەیسی بادینان و دەعوایەک کەلەو ناوچەیەدا لە ئارادایەلە ڕوانگەی سیاسیەوە، لەڕووی گرنگی سیاسیەکەیەوەیەکێکە لە گرنگترین کەیسەکان.لە فلتەری ئەم دەعوایەوە ، مەسەلەیەکی گرنگ، گرێیەکی گرنگ لە مێژووی کوردستاندا، لەهاوسەنگی هێزی ڕادیکاڵیزمی کۆمەڵگەی کوردستان و کۆنەپەرەستی بۆرژوایی و دەسەڵاتی کۆنەپەرەست و دژی ئازادی بۆرژوایی دەکرێ یەکلا بکرێتەوە و گۆڕانی بەسەر دابێت. ئێستا ئەو جەدەلە له ماڵی پارتیدا، لە ئارادایە و مەیدانەکەی و کاریگەرییەکانی بێگومان، واوەترن لەو زۆنە و پێناچێ ئەم جارە و لەو گەڕەی ئەم جەدەلە دا، پارتی مەیدانەکە هەر بە هەولێر و بادینان، بهێڵێتەوە. بەرگری کردن لە ئازادی دەسەبەجێ دەستکیکراوان ودەستبەسەرکراوانی بادینان گۆشەیەکی ڕووبەڕوونەوە یەکی گەورەترە کە لە کوردستان و بە دیاریکراوی ئەمڕۆ لە یەکێک لە زۆنەکانی دەسەڵاتی بۆرژوازیدا دەچێتە پێشەوە کە دیکتاتۆرییەت و دەمداخستن و ڕفاندن و تەنانەت پاکتاو کردنی جەستەیی موخالیفان و ناڕازیان، دیاردە و سیمایەی هەرە دیاری ژیانی سیاسی بووە کەسێبەری کێشاوەتە سەر کۆمەڵگە، کاریگەری هه بووە لەسەر ئەوەی خەڵک نە توانن ، بۆ بەرگری لە خۆیان زۆر شتیان لە دەست بێت. سندم کردنی پارتی و کردنەوەی فەزای هەڵسوڕانی ئازاد، خاڵی وەرجەرخانێکی گرنگ دەبێت لە هەموو کوردستان. چونکە ئەو قفڵ کردنەی فەزای ژیانی ئازاد و قەدەغە کردنی لە و زۆنە دا، بارێکی قورس بووە بەسەر هەموو کۆمەڵگەی کوردستانەوە، بە پای هەر تەقەلایەی جیددیو هەوڵێکی ڕادیکاڵ بۆ تێپەڕاندنی ئەم بێچارەییە سیاسی وکۆمەڵایەتیەی کۆمەڵکەی کوردستانی لە ژێر دەسەڵاتی ئەو هەلومەرجە پەستە دا ڕاگرتووە.بە جۆرێک کە ڕێگای داوە تەنانەت هێزو ده سەڵاتەکانی تری بۆرژوایی تریش لە باری سیاسیەوە نانی لێ بخۆن و کەڵکی سیاسی و مەعنەوی لێ وەربگرن بۆ چەماندنەوەی پشتی ڕادیکاڵیزم و جوڵانەوەی ئاڵوگۆڕخوازی.هەولێرێکی خامۆش، زۆنێکی بێدەنگ کراو، سەرمایەیکی سیاسی گەورەیە بۆ ڕڵگرتن ودرێژە پێدانی ئەم دەورودوکانە. بێگومان مەرجی سەرکەوتن لەو جیدالەدا، بینینی دیمەنە گشتیەکەیە، بینین و دەرک کردنی هەستیاریە سیاسیەکەتی لە پەیوەند بە کێشمەکێشی سیاسی لە ئاستێکی ماکرۆتردا، لە ئاستێکی گشتی تری کۆمەڵایەتی دا لەسەر چارەنووسی سیاسی کۆمەڵگە، لەسەرئازادی و لە پەیوەند بە دەسەڵات.بۆیە ئەو کەیسە ناکرێ وەک کێشەیەکی ڕۆتینی کۆمەڵگەی مەدەنی چاوی لێ بکرێ کە قەرارە لە ڕێگەی جوڵانەوەی فشارەوە وەڵام وەربگرێتەوە.

ئەمە کێشەی کۆمەڵگە و دەسەڵاتێکە کە دەزانێ نابێ تەسلیم بە هیچ ئەندازەیەکی کرانەوە و ئازادی سیاسی بێت، ئەگەرنا دەدۆڕێ و دەزانێ هەر کرانەوەیەکی زۆنی زەردی بورژوازی لە ژێر لێدان وهاتنە مەیدانی ڕادیکاڵ، کۆمەڵگەی کوردستان ئەوەندەی تر بەسەر دەرفەت و خواست و ئیمکانی ئاڵوگۆڕ‌ دەکاتەوە ، دەست و باڵی چینی کرێکار و جەماوەریبێبەش بۆ داواکردنی ئازادی و ژیانێکی باشتر و بۆ ڕەتکردنەوەی ئەو ژیان و چارەنووسە پەستە زیاتردەکاتەوە. هەر بۆیە ئەم کەیسە ،کەیسێکی سیاسیە بە ئیمتیاز. لەو کەیسەدا پارتی لاوازە، ئەوەی هەیەتی هەمەجیەت و سەرکوت و ئەوەی کە ده سەڵاتە، ئەگەرنا ئەوەی دەیکا بەس نیە بۆ ئەوەی تەنانەت هێزەکانی خۆشی قەناعەت پێ بکا چ بگا بە کۆمەڵگە و خۆشیان ئەوە باش دەزانن.پارتی دەبێ لە گەمارۆ دا بێت، پارتی وەک قایمترین قەڵای بۆرژوایی کوردایەتی دەبێ و دەکرێ لە هەولێر و ناوچەی خۆی و لە قەڵای خۆیدا گەمارۆ بدرێ، دە کرێ وای لێ بکرێ ئەگەر و هەرچەند هەولێری لە دەستدایە، بەڵام لە دەرەوە هیچی لە دەستدانیە. ئەگەر ئەم کەیسە بەو جۆرە و لەو چوارچێوەیە دا بڕواتە پێشەوە و ئەگەر کۆمەڵگە بە کۆمەکی چەپ و کۆمۆنیزم و حیزبی کۆمۆنیستی کرێکاریی بتوانن ئەم دیکتاتۆرییەتە، لە دنیا داببڕن وگەمارۆی بدەن و دەرفەتی هەناسەدان و مانۆڕی لێ بسەنن و لە وکەیسەدا بە چۆکی دابهێنن، تازە دەتوانین چاوەڕێی ئەوە بکەین کە بەکۆمەکی هاوسەنگی هێزێکی گونجاوتر ، سەرزیندوی و حۆشبینیەکی سیاسی فراوانتر و قوڵتر بە ڕزگاربوون لەو کۆنەپەرەستیە بورژواییە و جڵەوکردنی و بە ئاڵوگۆڕی ڕادیکاڵ ببینین.تازە دوای ئەوەیە کە دەتوانین ئومێدەوواربین کە چینی کرێکار، ژنان و لاوان و ئەو لێشاوە ناڕازیە، ڕەتکردنەوەی سلبی و نەویستنی خۆی، لە شێوازی ڕادیکاڵتردا و ڕاستەوخۆ تر بێنێتەزمان.